حوار خاص بجريدة بريق لدعم المواهب تحت اشراف صوت الليل يوسف عيسي مع متألقه ايناس عرفه

حوار صحفي خاص بجريدة بريق لدعم المواهب تحت اشراف صوت الليل يوسف عيسي مع التعاون مع مبادرة الأحلام ستتحقق يوما تحت إشراف مصطفي يحيي ،بسمله المليجى 

اسمك؟

-ايناس عرفه صبحي 《سُمُود》

عمرك؟

-17

بلدك؟

-الشخلوبه مركز سيدي سالم محافظة كفرالشيخ

إيه هي موهبتك؟

-الانشاد وقراءة القرآن والكتابه

كم كان عمرك عندما اكتشفتها؟

-اكتشفت ان صوتي حلو وانا صغيره كان عندي 7 سنين تقريبا وكان بابا بيقعد يقرأ قدامي قرآن وينشد وانا ادندن معاه لحد مااكتشفت اني موهبتي مكتسبه من بابا 

والكتابه في أولى ثانوي كان عندي نوت صغيره كده وانا بطبيعتي لما بزهق مش بحكي ف كنت بليل اقعد مع نفسي وافضفض في النوت دي واكتشفت ان عندي موهبه اني اعرف اعبر عن اللي جوايا واكتبه وده كان بيريحني جدا واكتشفت انه احلى من ان احكي لناس كتير اوي ومع الوقت طورت من نفسي وبقيت بكتب واشترك في كُتب

من الذي اكتشفها؟ 

-انا وبابا كان بيشجعني دايما وكنت بطلع في الاذاعه المدرسه دايما وصحابي ومدرسيني كانوا بيشجعوني كتير 

وفي الكتابه انا اكتشفتها وعرضت كذا نص كتبته على كذا حد وقال اني بعرف اكتب كويس ولازم استمر ومضيعش الموهبه دي 

كيف كانت بدايتك وهل واجهت 

المصاعب؟

-اكيد اي حد في طريقه بيواجه مصاعب وانتقادات كتير بس انا مكنتش بسمع لحد وكنت بستمر ودايما اسمع للي بيشجعوني واللي واقفين في ضهري واي انتقاد مكنش بتأثر فيا لأ ثقتي في نفسي كبيره وفي ربنا اكبر ف ماكانتش اي حلجه من دي بتهزني وتخليني اقف بل كان كل ده بيشجعني اكتر اني مقفش واعمل الاحسن

خلينا نتخيل أن موهبتك العظيمه دي هي طفلتك المدلله قلنا ازاي بتتعامل معاها عشان تنميها ؟

-بستمع لأناشيد كتير وقرآن بأصوات بحبها واقعد اقلدها واكرر كذا مره واحسن من صوتي 

وفي الكتابه بختبر نفسي واحط نفسي قدام الامر الواقع يعني اجيب كلمه واقول انا لازم اكتب عنها كذا نص واجيب صور واعبر عن اللي موجود فيها بإرتجالات وكده 

وإزاي بتحميها من العقبات اللي بتواجهك زي المُحبطين أو الكسل وغيرها من العقبات؟

-اولا لازم نعرف ان مفيش طريق نجاح هنسير فيه الا وهنقابل صعوبات وضغوطات وعثرات بس لازم منيأسش ونتغلب على ده كله ونقوم بنفسنا ونحفز نفسنا على الوصول مهما ان كان الطريق طويل وصعب بالاستمرار والعزيمة هنوصل 

ثانيا الناس مش بتبطل كلام سيء عشان يحبطوك ويوقفوك عن احلامك واهدافك بس احنا لو سمعنا ليهم مش هنعمل حاجه وهنفضل في مكاننا مش هنتقدم وهنتأخر اوي انما لو مسمعناش ليهم وخلينا ثقتنا في نفسنا كافيه ل ان مفيش اي حاجه تمنعنا عن احلامنا واهدافنا ساعتها محدش يقدر يوقفنا ابدا

هل في يوم حد قالك إن أنت مش موهوب أو وجهلك كلام خلاك تحس للحظه إنك مش موهوب؟

-لأ بصراحه بل كل اللي كان يسمع صوتي أو يشوف نص من كتاباتي كان بيدعمني جدا

هل كان المجتمع اللي حواليك بيحبوا موهبتك وبيشجعوك ؟

-ايوا كتير جداا

إزاي قدرت تتخطى كُل صعوباتك اللي واجهتها ؟

_بثقتي في نفسي وثقتي ان هيجي يوم هوصل للي بتمناه وتشجيع ماما وبابا ليا وصحابي

ومن هو أهم داعم ليك؟

-بابا لما كتبت اول نص في حياتي عنه واعجب بيه جداا وفرحته شجعتني جدا

كلمني عن قدوتك أو شخصك المُميز في هذا المجال اللي كان مصدر الهامك ؟

-حنين سيد بحبها جدا وهي كانت منزله استوري ان في كتب مشتركه وكده قولت اجرب وبعتت ليها كذا خاطره وعجبوها جدا وشجعتني اوي اني استمر واكمل وممتنه جدا لإني اتعرفت عليها شخصيه جميله ومحترمه جدا 

قولنا عن امنيتك اللي بتحاول إنك تحققها في مجالك ؟

-اكيد ان يكون ليا تأثير على قلوب الناس بكتابتي اللي فيها نصايح وكده وناس كتير تتعلم منها واكون شخصيه خفيفه على قلوب من حولي 

لكل فن رساله إيه هي رسالتك اللي بتتمنى إنك توصلها للعالم؟

_احب اقولهم متيأسوش متخلوش اي كلام يحبطكم بالعكس خلوه دافع ليكم عشان تثبتوا لنفسكم والعالم انكم احسن وأفضل وخليكم ورا احلامكم وخلوا عندكم ثقه ويقين بالله انكم اكيد هيجي يوم وتوصلوا لكل اهدافكم 

لو طلبت منك إنك تقولي نصيحه لنفسك هتقولي اي؟

-هقول لنفسي متمليش ولا تسيبي احلامك تضيع بسبب كلام حد ولا تخلي حد يأثر فيكي نهائي وخليكي ورا احلامك طالما مش بتغضبي ربنا خلاص خليكي في طريقك وهقول مهما كتروا الناس اللي مش صافيين خليكي نضيفه من جواكي ومتأذيش حد وحتى لو اذوكي ابعدي وربنا هيجيبلك حقك بس متحقديش ولا تخلي قلبك يقسى على حد وتخلي عندك حياء واحترام للمبادئ والدين مهما الفتن زاد ميأثرش فيكي واتعلمي الكويس من من اللي حواليكي متاخديش منهم الوحش 

بتحب تقول موقف حصلك واثر فيك في مجالك أو كلمه تكون مصدر تشجيع لأي شخص يمتلك الموهبه ؟

 كلمه اتقالتلي من بابا انا عاوزك احسن واحده في الدنيا ياننس محدش بيحب حد احسن منه غير الاب والام وحقيقي هما ليهم فضل كبير جدا عليا وانا بحبهم جداا ربنا يديمهم جنبي ويباركلي فيهم ويمدهم بالصحه والعافيه يارب 

المحررة الصحفيه:بسمله المليجى 

تحت رعايه مبادرة الأحلام ستتحقق يوما ما 

المؤسسين 

*مصطفي يحيي. بسمله المليجى* 

النائب العام *شهد تامر*

مؤسس جريده بريق *يوسف عيسي*