الشاعره: ملك السيد ولو افتكرتني هنساك.

 لو نويت تنسي اللي فات

انسي عادي ومن سكات

واعتبرني كمان نسيتك

واعتبرتك حد مات

مع ان اللي مات...! 

بنبكي عليه ونقول ده راح

اما انت لو موت فاعادي

هتبقي ذكري ووقت فات

هبكي حبه واحن حبه

بس مش حزن ساعات

مش هضيع عمري فيك

مش هموت مثلا عليك

اصلك انت زمان نستني

وقولت عني كتير حاجات

لو نويت تنساني تاني

مش هفتكر لو ثواني

وهتبقي حاجه من زماني

وعمر عدي وذكريات

واي يعني تنساني

هنسي حاجات كتير وياك

هرجع اجرحك تاني

واقولك ربنا معاك

انساني عادي مش فارقة

ولو افتكرتني هنساك. 

الشاعره: ملك السيد 

#جريده_بريق_لدعم_المواهب_تحت_اشراف_صوت_الليل

#صوت_الليل_يوسف_عيسي

#الكاتبة _نعمه _أحمد

الشاعره: ملك السيد ولو افتكرتني هنساك.